2 hinihinalang riding-in-tandem, arestado sa Comelec checkpoint sa Rizal

     3 weeks ago
17
Leave a Comment
0 SHARE

Sa unang araw ng pagpapatupad ng Commission on Elections ng nationwide gun ban at checkpoints, arestado ang dalawang hinihinalang riding-in-tandem sa Rodriguez, Rizal.

Ayon kay Supt. Hector Grujaldo, hepe ng Rodriguez police, pinara sa Comelec checkpoint ang mga suspek na sina William Datiles at Rodrigo Bautista na nakasakay sa motorsiklo.

Pero ani Grujaldo, sa halip na tumigil, nilampasan ng mga suspek ang checkpoint kung kaya napilitan ang mga pulis na habulin ang mga ito.

Naabutan ng mga pulis sina Datiles at Bautista sa harapan ng Rodriguez police station sa E. Rodriguez Highway.

Narekober sa dalawang suspek ang isang 9mm pistol na baril, mga bala, tatlong sachet ng shabu at ilang drug paraphernalia.

READ  Veteran radio host to Duterte: "No way! Do not resign Mr. President"

Ikinasa ng Comelec ang gun ban at checkpoints kasabay ng paghahanda sa nalalapit na barangay at Sangguniang Kabataan elections sa October 23.

Kasabay nito, nagsimula na rin ngayong araw ang election period.

Source link

0 SHARE

Post Comments