2 pulis Mandaluyong na nasangkot sa pang-aabuso, dumating na sa Marawi

     3 months ago
72
Leave a Comment
14 SHARE

Nasa Marawi City na ngayon ang dalawang pulis mula sa Mandaluyong City na nakuhanan ng video habang sinasaktan ang mga naarestong nag-iinuman sa kalsada sa isang presinto.

Ayon kay Autonomous Region in Muslim Mindanao (ARMM) police regional director Chief Supt. Reuben Sindac, opisyal nang nai-turnover sa Lanao del Sur police sina PO1 Jose Tandog at Chito Enriquez.

Noong nakaraang linggo lamang ay nagngitngit sa galit si Philippine National Police (PNP) chief Director Gen. Ronald dela Rosa kina Tandog at Enriquez matapos mag-viral sa social media ang video kung saan makikitang ginulpi nila ang kanilang mga naaresto.

Dahil dito ay ipinatapon sila ni Dela Rosa sa Marawi City para mapabilang sa pwersa ng pulis na lumalaban sa Maute Group.

Sumunod naman sina Tandog at Enriquez sa kautusan ng hepe ng PNP, at nakapag-report na kay Sindac kahapon sa Camp SK Pendatun sa Parang, Maguindanao.

Source link

14 SHARE

Post Comments