Aguirre at karamihan sa mga senador, suportado ang martial law extension

     4 months ago
23
Leave a Comment
31 SHARE

Nagpahayag si Justice Sec. Vitaliano Aguirre ng kaniyang suporta sa pagpapalawig ng idineklarang martial law ni Pangulong Rodrigo Duterte sa Mindanao.

Naniniwala rin kasi si Aguirre na hindi sapat ang 60 araw na kaakibat ng unang deklarasyon ni Duterte ng martial law para masupil nang tuluyan ang banta ng terorismo sa Mindanao.

Matapos naman ang security briefing ng mga security officials ng bansa sa Senado kahapon, sa tingin ni Sen. Joel Villanueva ay karamihan sa kanilang mga kasamahan ay sang-ayon sa martial law extension.

Gayunman, sinabi ni Villanueva na bagaman sang-ayon sila, pagde-debatehan pa kung gaano katagal ang magiging pagpapalawig ng batas militar.

READ  Incoming Pres'l Spokesman Roque sa mga kritiko: 'Makipagtulungan na lang kaysa mambatikos'

Aniya, kakailanganin ng mas maiging pag-aaral ang magiging desisyon nila tungkol sa hanggang kailan ito paiiralin.

Samantala, may mga senador pa aniya na humingi pa ng mga karagdagang impormasyon mula sa mga security officials, na ipinangako namang dadalhin nila sa special joint session sa Sabado.

Source link

31 SHARE

Post Comments