DND: Pamamahagi ng mga lupain sa mga kampo ng militar pinag-aaralan na

     3 months ago
17
Leave a Comment
0 SHARE

Pinag-aaralan ng Department of National Defense (DND) ang panukalang ipamahagi ang mga lupain na sakop ng military reservation sa Marawi City.

Ipinanukala ni dating Vice President Jejomar Binay sa DND ang petisyon mula sa mga residente ng lungsod na tulungan silang mailipat sa kanilang pangalan ang mga lupang kanilang tinitirahan na bahagi ng military reservation.

Ang naturang panukala ay natanggap ni Binay nang siya pa ang pinuno ng Housing and Urban Development Coordinationg Council.

Aniya, hindi natugunan ang kahilingang ito dahil sa pagbabago sa administrasyon.

Ayon kay DND Secretary Delfin Lorenzana, nakikipag-ugnayan na ang kagawaran sa mga lokal na pamahalaan at mga residente sa ilang mga lugar na may kampo ang militar.

READ  LOOK: Ilang lansangan sa Metro Manila, apektado ng road reblocking ngayong weekend

Naniniwala si Lorenzana na makatutulong ito sa mga residente ng Marawi City na makarekober sa krisis.

Posible rin aniya na sa hakbang na ito, maalis ang posibleng pagmulan ng kaguluhan sa lugar.

Lumikas sa kani-kanilang tirahan ang daan-daang libong residente ng Marawi City at mga kalapit-lugar bunsod ng giyera na sumiklab sa lungsod tatlong buwan na ang nakalilipas.

Batay sa isang presidential decree noong 1953, aabot sa 6,000 ektarya ng Marawi City ay bahagi ng military reservation.

Source link

0 SHARE

Post Comments