Net satisfaction rating ni Duterte, tumaas ayon sa SWS survey

     3 months ago
26
Leave a Comment
134 SHARE

Muling sumipa ang net satisfaction rating ng mga Pilipino kay Pangulong Rodrigo Duterte, batay sa pinakahuling survey ng Social Weather Stations.

Nasa 78% ang nasiyahan sa ginagawa ng pangulo, habang 12% naman ang hindi nasiyahan at 10% ang undecided. Katumbas ito ng +66 na net satisfaction rating na new record high kay Duterte.

Tumaas ito mula +63 noong Marso.

Ang pinakahuling survey ng SWS ay isinagawa mula June 23 hanggang 26 sa 1,200 respondents mula sa iba’t ibang panig ng bansa.

Sa kanyang net satisfaction, umani ang Pangulo ng +58 sa Balance Luzon mula +51, at +73 sa Visayas, mula +62 noong Marso.

Bagaman tumaas ang puntos na nakuha ni Duterte sa naturang dalawang rehiyon, bumaba naman nang isang puntos sa +63 ang kanyang marka sa Metro Manila, at lumagapak sa +75, mula +87 sa Mindanao.

Samantala, ipinahayag naman ni Presidential Spokesperson Ernesto Abella na ang resulta ng pinakahuling survey ng SWS ay pagpapakita ng suporta ng publiko sa tugon ni Duterte sa rebelyon sa Marawi City.

Isinailalim sa 60 araw na Martial Law ang Mindanao noong May 23 matapos atakehin ng Maute group ang lungsod.

 

 

Source link

134 SHARE

Post Comments