Paris Agreement, nilagdaan na ni Pangulong Duterte

     9 months ago
39
Leave a Comment
14 SHARE

 

Pinirmahan na ni Pangulong Rodrigo Duterte ang Paris Agreement na mag-oobliga sa mga bansa na bawasan ang kanilang greenhouse gas emissions, at isulong ang pagpapaunlad ng renewable energy.

Ayon sa source ng Inquirer, matapos maratipikahan ni Pangulong Duterte, dadalhin na ang nasabing dokumento sa opisina ni Sen. Loren Legarda, upang ma-concur na ang ratipikasyon nito.

Ang nasabing dokumentong tinatawag na Instrument of Ratification ay dadalhin mamayang alas-2:00 ng hapon, at tatanggapin ito ni Legarda bilang pinuno ng Senate climate change committee.

Sinimulan ang proseso ng ratipikasyon sa pagsusumite ng certificates of concurrence (COC) ng mga ahensya ng gobyerno sa Office of the President.

READ  Ex-Zambo City police chief to head task force that will purge PNP of bad cops

Si Legarda na isang United Nations Global Champion for Resilience, ang tumiyak sa ratipikasyon ng nasabing kasunduang naglalayong bawasan ang epekto ng climate change.

Personal niya pang tinawagan ang bawat pinuno ng mga ahensya ng pamahalaan para sa kanilang COCs, at kinausap rin niya ang economic team ni Pangulong Duterte.

Matatandaang una nang nagbanta si Duterte na hindi niya kikilalanin ang Paris Agreement, dahil naniniwala siyang pahihinain lang nito ang pag-unlad ng ekonomiya ng bansa.

Hindi rin aniya malinaw kung paano magkakaroon ng access sa Green Climate Fund ang mga maliliit na bansa.

Gayunman, wala ring nagawa ang pangulo kundi payagan ito matapos bumoto ang mga miyembro ng Gabinete para paboran ang ratipikasyon nito.

READ  Pagpayag sa CHR na masilip ang case folders, makabubuti sa PNP - Atty. De Guia

Source link

14 SHARE

Post Comments