Pondong kinaltas sa CHR, maaring ipambili ng body cams para sa mga pulis – Duterte

     3 months ago
17
Leave a Comment
0 SHARE

 

Iminungkahi ni Pangulong Rodrigo Duterte na ilaan na lang sa pagbili ng mga body cameras ng mga pulis ang pondong kinaltas sa Commission on Human Rights (CHR).

Matatandaang binigyan lang ng Kamara ng P1,000 na budget ang CHR para sa buong taon ng 2018.

Ayon sa pangulo, kung hindi rin lang naman ibabalik ang pondo ng CHR, mas maigi nang i-invest na lang ang pera para ipambili ng mga kagamitan para sa pulisya.

Ani Duterte, sa halagang nasa P600 milyon, malalagyan na ng body cameras ang lahat ng mga pulis sa buong araw.

Maari pa aniyang makabili ng mga state-of-the-art cameras na maliliit lamang at parang bahagi lang ng damit ng mga pulis.

READ  11 katao huli sa paggamit ng droga sa Tondo, Maynila

Maikakabit aniya ang mga camera sa katawan ng mga pulis saan man sila magpunta para sa kanilang mga operasyon lalo na’t ang Pilipinas ay isa nang narco-state.

Sa ganitong paraan aniya, masasagot na ang mga alegasyon sa mga pulis na nang-aabuso umano sa kanilang kapangyarihan.

Gayunman, nagpaalala ang pangulo na sa pagpapatupad nito, dapat ay tiyaking hindi naman malalabag ang privacy ng mga pwersa ng gobyerno.

Source link

0 SHARE

Post Comments