Sen. Bam Aquino at Asec. Mocha Uson, nagkainitan sa senate hearing kaugnay sa fake news

     2 weeks ago
25
Leave a Comment
0 SHARE

Bahagyang naging tensyonado ang ginagawang pagdinig sa senado kaugnay sa paglaganap ng fake news lalo na sa social media.

Ginagawa ng senate committee on public information and mass media ang imbestigasyon base na rin sa panukala ng pitong senador na nakatanggap ng matinding batikos sa social media matapos umanong tumanggi na pumirma sa resolution 516 na kumokondena sa mga pagpatay sa mga menor-de-edad sa war on drugs ng Duterte administration.

Sa bahagi ng pagdinig, nagkainitan sina Senator Bam Aquino at Asec. Mocha Uson matapos itong tumanggi na sagutin ang katanungan ng senador kung sa dinami-dami ng kanyang mga blog laban sa oposisyon, nagkaroon ba ng pagkakataon na lumapit ito sa mga senador para kuhanin ang kanilang panig.

Iginiit ni Uson ang kanyang karapatan na sa una ay binanggit niyang ‘right to refuse’.

READ  Taxi driver sa Carl Arnaiz killing, giit na naholdap; 'parang stage play pagkakapatay'

Iginigiit ni Bam na ‘answerable’ lamang naman ng ‘yes’ or ‘no’ ang kanyang tanong pero hindi napilit si Uson na sagutin ng direkta ang tanong.

Katwiran pa ni Uson, hindi tulad ng mainstream media, sa kanyang mga blog ipinapahayag lamang niya ang kanyang opinyon at di niya kailangan na kuhanin ang panig ng bawat isa na nilalaman ng kanyang blog.

Sa mga pagtatanong pa kay Uson, pinaratangan pa nito ang mainstream media, partikular ang ABS CBN at GMA 7 dahil umano sa pagpapakalat ng fake news laban sa kanya.

Mariin naman itong itinanggi ng mga nabanggit na networks.

Samantala, nauna dito isinisi ng mamamahayag na si Ellen Tordesillas ng Vera Files sa mga opisyal ng gobyerno ang pagkalat ng fake news.

READ  Panukalang pag-extend sa validity ng passport, pirma na lang ni Duterte ang kulang

Binigyang halimbawa ni Tordesillas si Pangulong Rodrigo Duterte, sa ginawa nitong pag-amin na inimbento lamang nito ang sinasabing bank accounts ni Sen. Antonio Trillanes IV na siya namang inilabas bilang balita nina Erwin Tulfo at maging ni Uson.

Paliwanag ni Tordesillas, bilang mga mamamahayag, obligasyon na i-quote ang isang opisyal ‘as accurately as possible’ sa mga sinabi nito at kung kasinungalingan ang sinabi ng opisyal, dapat ang opisyal ang managot at hindi ang miyembro ng mainsteam media.

Sa ngayon nagpapatuloy pa rin ang pagdinig ng komite na pinangungunahan ni Sen. Grace Poe bagaman no show si Cocoy Dayao, ang blogger na umano ay responsable sa #SilentNoMorePh na bumabatikos sa pitong senador na hindi pumirma sa senate resolution 516.

 

 

 

 

 

Source link

0 SHARE

Post Comments