“Survey: Nasa pagtatanong ang gustong ilabas na resulta” sa OFF CAM ni ARLYN DELA CRUZ

     2 months ago
32
Leave a Comment
0 SHARE

Ang sabi nabawasan ang trust and net satisfaction rating ni Pangulong Rodrigo Duterte. Yan ay ayon sa survey ng Social Weather Station.

Karaniwan sa isang nakaupong pangulo na mabawasan ng puntos sa usapin ng trust at net satisfaction rating.

Nakaangkla kung saan ka nakapanig at nakatingin kung paano mo babasahin ang pagbaba ng 18 puntos kung ikukumpara sa mas naunang survey ng SWS. Kung ayaw mo talaga si Duterte sa simula pa lamang, eh sasabihin mong “buti nga!” At kung ikaw naman ay nasa oposisyon, pangunahing kritiko tulad halimbawa ni Senador Antonio Trillanes IV, sasabihin mo ngang “mas babagsak pa ang rating nito sa mga susunod na survey at iyon ay dahil sa mga ibinunyag na umano’y tagong yaman ng pangulo.”

Kung die hard Duterte ka naman, mga ka DDS kung bansagan, siyenpre hindi ka maniniwala. Anuman ang sabihin nila, si Pangulong Duterte pa rin ang pipiliin mong suportahan.

Pero teka, alam ninyo ba na minsan kundi man kadalasan, ang kalalabasan ng resulta ng survey ay nasa mismong tanong o itinanong? Ano ba ang tinanong? Bawat survey, may layunin yan. May gustong malaman o may gustong mangyari. Nasa tahi ng tanong. Nasa balangkas.

READ  Trillanes pinaiimbestigahan dahil sa mga secret deals sa China

Kaya nga may tinatawag na commissioned survey at non-commissioned survey. Sa commissioned survey, may interested group na tinatawag. Sa madaling salita, nagpa-survey. Sa non-commissioned survey, walang nagpa-survey ngunit maaaring may magka-interes sa resulta nf survey.

Surveys as a general rule are social
indicators but to say that they are conclusive is not true. Isang libo anim na raan,kakatawan sa damdamin ng mga Pilipino?

Pero sabihin na nating totoo, bumagsak nga dahil sa may hindi nagustuhan, ano naman sa tingin ninyo ang dapat na gawin ng nakaupong pangulo? Lalo na ang pangulong Rodrigo Duterte ang pangalan?

A man of sarcasm, he himself admitted, the president even come up with a one liner that would show delight in the decrease of his trust and net satisfaction rating based on the SWS survey. O baka ang sabihin, “Sinabi ko naman sa inyo, huwag ninyo akong iboto dahil gagawin ko ang sa tingin ko ay tama!”

READ  Ramon Tulfo called PNP chief Bato Dela Rosa "The Most Irresponsible PNP Chief"

O baka wala siyang pakialam. Eh ano ngayon kung bumaba ang survey? Sa tingin ninyo affected? I doubt.

Sinabi ko mang hindi conclusive ang resulta ng isang survey, makabubuti din na kilalanin ito na isang indikasyon na maaaring may kailangang gawin o bitiwang mga salita na magmumula mismo sa pangulo.

Kasunod ng pagkilala sa pagkabawas ng tiwala at net satisfaction rating (bawas hindi bagsak batay na rin sa SWS survey), ay ang pagtuon ng mas may pagtaralaga sa mga bagay na ipiningako at pinaniwalaan.

So may SWS survey, bumaba daw, o ano na ngayon?

Sa tingin ninyo maghihinay-hinay ang naupong pangulo na Day 1 pa lamang inilatag niya ang mangyayari at nangyari na nga. Nalimutan ninyo na ba ang sinabi, “Madugo ang labang ito!”

Ayaw mo kay Duterte, gusto mo kay Duterte, hindi na kailangan ng survey o mahaba pang paliwanagan. Andun na ang sagot sa simula pa lamang. ( wakas )

 

 

 

 

 

Source link

0 SHARE

Post Comments