19 na babaeng Russian, ipapatapon palabas ng bansa ng BI matapos maaresto sa nightclub

     3 months ago
58
Leave a Comment
0 SHARE

Naaresto ng mga tauhan ng Bureau of Immigration (BI) ang 19 na babaeng Russian sa Pampanga.

Maliban sa 19 na Russian, inaresto din ang dalawang Korean nationals na pinaniniwalaang recruiter at employers ng mga ito sa isinagawang operasyon ng mga intelligence agent ng BI sa Angeles City.

Ayon kay BI Commissioner Jaime Morente, ang dalawang Koreans ay sina Jeong Seonghun at Lee Kyurak na nagtatrabaho bilang cashier at manager sa sinalakay na nightclub.

Ani Morente, naaktuhan umano ng arresting team ang mga babae habang naninilbihan bilang guest relations officers sa loob ng Club Angel sa Clark Field.

Pawang wala aniyang working visas ang mga inarestong dayuhan at sangkot din sa prostitusyon ang nightclub dahil natuklasang ang mga customer nito ay nagbabayad ng hourly rate na P1,500 para sa serbisyo ng mga babae.

Samantala, sinabi ni BI intelligence officer Jude Hinolan, pinuno ng arresting team, ang dalawang Koreans ay kapwa overstaying foreigners na. Sila ay dumating sa bansa bilang mga turista.

Sasampahan ng kasong paglabag sa anti-trafficking law ang dalawang Korean nationals.

 

 

 

 

 

 

 

 

 

Source link

0 SHARE

Post Comments