4 na pulis sa Cebu negatibo sa powder burns

     1 min ago
0
Leave a Comment
0 SHARE

Negatibo sa gunpowder residue ang apat na miyembro ng Drug Enforcement Unit ng Cebu City Police Office.

Isinailalim sa paraffin test ang apat na pulis para alamin kung galing sa kanila ang bala na nakapatay sa 4-year old na batang si Bladen Skyler Abatayo sa isang anti-drug operation sa Barangay Ermita Cebu noong Martes.

Dahil dito, inihayag ng Philippine National Police na malaki ang posibilidad na hindi galing sa baril ng apat na pulis ang bala na tumama sa bata.

Pero iginiit naman ng PNP na bagamat nag-negatibo sa gunpowder, hindi pa naman nila inaalis ang responsibilidad ng mga pulis na ito sa pagkasawi ng bata.

Sa nasabing operasyon, nakatakas ang apat na drug suspect na tinutugis na ngayon ng pulisya.

Nauna nang sinibak ni PNP Chief Oscar Albayalde ang lahat ng mga pulis na sangkot sa nasabing operasyon habang nagsasagawa ng imbestigasyon sa kaso.

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Source link

0 SHARE

Post Comments