Helicopter deal sa Canada, pinakansela na ni Duterte

     2 months ago
78
Leave a Comment
44 SHARE

Ipinag-utos na ni Pangulong Rodrigo Duterte sa Armed Forces of the Philippines (AFP) ang pagkansela sa $233 milyong halaga ng helicopter deal ng pamahalaan sa Canada.

Sa isang pulong balitaan, sinabi ni Pangulong Duterte na huwag nang ituloy ang nasabing deal at maghahanap na lang ang gobyerno ng ibang pagkukunan ng helicopters bilang pag-respeto sa posisyon ng Canada.

“I want to tell the Armed Forces to cut the deal. Huwag na ituloy [do not continue] and somehow we will look for another supplier. We respect the stand of Canada,” ani Duterte.

Ipinahayag ito ni Duterte matapos lumabas ang mga ulat na ire-review muna ng Ottawa ang nasabing kasunduan.

Nabahala kasi ang Canada na baka gamitin ang mga bibilhin sanang 16 na Bell helicopters ng Pilipinas bilang attack helicopters.

Nilagdaan ang nasabing kasunduan kasama ang Canadian Commercial Corporation noong Disyembre ng nakaraang taon.

Una naman nang nilinaw ng AFP na gagamitin nila ang mga nasabing helicopters para sa mga search and rescue operations, at pagbiyahe sa mga nasawi at sugatan nilang mga tauhan.

Source link

44 SHARE

Post Comments