Petisyon vs 1-yr. martial law extension, ibinasura ng SC

     2 months ago
16
Leave a Comment
7 SHARE

Tuluyan nang ibinasura ng Supreme Court (SC) ang petisyon na kumukwestiyon sa ligalidad ng pagpapalawig sa martial law sa Mindanao ng isang taon.

Sa SC en banc session ngayong araw, pinaboran ng mga mahistrado ang pagpapalawig sa martial law sa Mindanao sa botong 10-5.

Apat na petisyon ang ibinasura ng Korte Suprema kabilang ang mga petisyon nina Congressmen Edcel Lagman, Tomasito Villarin, Edgar Erice, Teddy Brawner Baguilat, Gary Alejano at Emmanuel Billiones.

Ibinasura rin maging ang mga petisyon ng mga human rights advocate at mga militanteng kongresista na kinabibilangan nina Gabriela Representatives Emmie De Jesus at Arlene Brosas; Anakpawis Partylist Representative Ariel Casilao, ACT Teachers Representative Antonio Tinio, Bayan Muna Representative Carlos Zarate at Kabataan Partylist Representative Sarah Elago.

Kasama sa mga pumabor sa constitutionality ng martial law extension sina Associate Justices Presbitero Velasco, Teresita Leonardo-De Castro, Diosdado Peralta, Lucas Bersamin, Mariano del Castillo, Estela Perlas Bernabe, Samuel Martires, Andres Reyes at Alexander Gesmundo.

Ang lima naman ng tumutol ay sina Chief Justice Maria Lourdes Sereno, Senior Associate Justice Antonio Carpio, Associate Justice Marvic Leonen, Francis Jardeleza at Alfredo Caguioa.

Ang desisyon ay isinulat ni Associate Justice Noel Tijam.

Source link

Post Comments